Shillong: Ki khynnah pule ka Shillong College ki la long ki lahduh hadien ba ki la lah ba kin khur i san na ki hynriew tylli ki jingjop, ha ka rynsan ialehkai 13th Inter-School Karate Tournament 2025, ba la pynlong ia ka hynnin ka sngi Saitjain ka 26 tarik Nailur 2026, da ka All Meghalaya Karate-Do Association (AMKA), ha Indoor Sports Infrastructure ka Shillong College.
Ha kane ka kynti la don kumba 30 ngut ki rang bad thei ialehkai karate na ki 11 tylli ki College kiba la mih madan ban ia aireng sha kane ka jingiakob, ia kaba la lah ban pynlong ryngkat ka jingiatreilang bad ka Sports Development Cell, Shillong College bad la iarap ban kyrshan da ka tnat jong ka Directorate of Sports and Youth Affairs, ka sorkar Meghalaya.
Dei lyngba kane ka jingiakob ba ka AMKA ka shim ia ka kabu ba kan lah ban ioh ban jied ia ki rang bad thei ialehkai ba don ka sap bad ka jingtbit ba kin pynkhreh ban mihkhmat ia ka jylla sha ka lympung ialehkai 39th National Games 2027, ban sa pynlong ha kane ka jylla ha u 2027.
Haba phai sha ka jingiakhun u namtam na kane ka jingiakob dei u rang bad snar ialehkai ba la paw bha ha ka jylla mynta u Gidieon Tympuin uba la khur ia la ka nam jop ha ka individual kata bad men’s individual title.
Katba ha ka Men’s Team Kumite, ka nam jop ka leit sha ka kynhun ki rang ialehkai jong ka St Anthonys College ba la mihkhmat da u George Mylliem, Damebanmerbha S Blah, Samebanmerbha S Blah, Ferdinand Samkupar Rani bad Jasper D Pdang.
Na ka liang ki kynthei ka nam tam ka dei ka Rebeka Nongspung ka Shillong College ka la khur ia ka nam jop ka jong ka ha ka kyrdan iakhun ka women’s individual kata bad kumjuh ha ka women’s individual kumite bad ban iadon bynta lang bad ka kynhun jong ka college ban rah ia ka nam women’s team kumite ba la don bynta lang da Larisha Kurbah, Kynjailin L Mawnai, Daphilahun Meri Wahlang bad Ibadaplin Mukhim.
Katba ha ka kyrdan iakhun kynhun, ka nam lahduh ka leit sha ka kynhun ki rang bad ki thei ialehkai ka Shillong College bad kiba wan ba-ar ki long ka St Anthonys bad ka Lady Keane College.
Ia ka pyrda jong kane ka jingiakob la leit ban plié ia ka da u District Sports Officer ka East Khasi Hills u bah Damang Syngkon bad kongsan ba la wan ban sakhi lang ha ka por ba pynkut ia kane ka jingiakob dei I kong Dr (Mrs) H Diengdoh, ba dei Vice-Principal, Academy and Student Welfare, ka Shillong College, nangta kong Linza F Syiem ba dei ka District Sports Officer ka West Jaintia Hills District bad kiwei kiwei.
Ki result ba pura ki long
Men Open Kata
1st – Gideon Tympuin – Shillong College
2nd – Ferdinand Samkupar Rani – St Anthony’s College
3rd – Aventinus George Mylliem – St Anthony’s College
3rd – Gregorwilson Makdoh – Shillong College
Men Open Kumite
1st – Gideon Tympuin – Shillong College
2nd – Aventinus George Mylliem – St Anthony’s College
3rd – Kynpham Kharkongor of Institute of Hotel Management, Shillong
3rd – Ferdinand Samkupar Rani – St Anthony’s College
Men Team Kumite
1st – St Anthony’s College (Aventinus George Mylliem, Damebanmerbha S Blah, Samebanmerbha S Blah, Ferdinand Samkupar Rani and Jasper D Pdang)
2nd – Shillong College (Gideon Tympuin, Cheltis Shylla, Gregorwilson Makdoh, Nangkitbok Phira, Jake Damian Syiemiong)
