Shillong: Shillong: Ka MLP FT ryngkat ka mynsiem iakhun ba rhem bha ka jong ka, ka la lah pat ba kan pynliem ia ka Sawmer SC da 4-2, ha ka lympung ialehkai jong ka Shillong Premier League 2026, ka Shillong Sports Association ba la long hynne ka nohphai sngi ha SSA Stadium, Polo.
Haba phai sha ka jingthep ia ki kol, na ka bynta ka Sawmer SC, ia ki kol ki jong ka, kidei kiba la thep da u Diego Khyriem (2’) bad Banteilang Lyngdoh (11’) katba na ka liang ka MLP FT, ia ki kol ki jong ka, la thep da u Pynshaidor Nongrang (5’), Rapborlang Marwein (15’), Bikram Chettri (67’) bad Pynshailang L Lyngkhoi (84’).
Kine ki ar kynhun ki rung sha kane ka jingiakhun ba hynne ka sngi, hadien ka jinglah ban khur ka jong ki ia la ki nam jop, ha kaba ka Sawmer SC ka la lah ban jop da 2-1 ia ka Rangdajied United FC, katba na ka liang ka MLP FT ka rung sha kane ka jingiakhun hadien ba la la lah ba kan pynliem ia ka Langsning FC.
Ki jingkylla ha kane ka sngi jong ka jingiakhun ha kine ki ar kynhun ka MLP FT ka la shaniah skhem ha ka juh ka kynhun, kaba la khur ia ka jingjop, katba ka Sawmer SC ka jingkylla ka jong ka ka long lai ngut, ha kaba u Diego A Khyriem, Enestar Malngiang bad u Michaelson Kurbah ki la wan ban mih shwa ha ka jaka ka jong u Oresterwell Langshiang, Andy Z Mawthoh bad Wanshanlang Dkhar.
Ka jingiakhun hi ka long ba marsien ia sdang katta haduh 15 minit eiei, la iohi ia ka jingkhih kaba haduh saw sien ka jar, ha kaba ki ar kynhun ki la iakhun tyngeh ban ia thep marbud ia ki kol, kaba ki la shah thep, bad ka kylla step hi ka long ba ki ar kynhun kin ia hun shwa ka mynsiem ba kin lah ba kin iakhaid shwa da mar ar kol.
Haba wan ban bteng ia ka kylla miet, ka MLPFT kiba dang dap bad biang pura bha ka ktang lyer ka jong ki, ki la sdang ban kham nion shakhmat ka rukom ialehkai ka jong ki, kaba hangne ka pynlong ia ka kynhun ialehkai ka Sawmer SC ba kan hap ban kham randien ka rukom ialehkai ka jong ka, pynban ha kaba kut, ka MLP FT ka la bteng ban jam shakhmat naka bynta ba kan ioh pat ba kan thep sa ia ki ar kol kiba sah ki jong ka bad ban wanphai ryngkat biang sa bad kawei ka lai point ba pura ka jong ka na kane ka jingiakhun.
Lashai pat ka sngi, ka Laitkor SC kan mih madan ban iakhun pyrshah ia ka Nangkiew Irat bad kane ka jingiakhun kan long ha ka por 3:40 baje nohphai sngi.
Ka Laitkor SC ka la ioh khur mynta 3 point na ki arsien ialehkai ba ka la dep, katba na ka liang ka Nangkiew Irat ia mynta ka dang lah shwa ban khur tnoit tang shi point bad ka dang trei shitom ba kan ioh khur ia ka nam jop ne ka lai point ba pura ka jong ka, ha kane ka samoi ialehkai ba mynta.
