Shillong: Ka True North ka wan sha khmat ban pyntip ba ba kan shimia ka sien jam ba kan pynlong ia ka 1st True North Open Swimming Competition ryngkat bad ka Master Meet 2026, kaba la buh ban long ha ka 11 bad ka 12 taik u bnai Nailur u ban wan ha pung jngi jong ka, kaba don ha Lapalang Complex.
Ka jingkhang na ka bynta kine ki jingiakob ka plie lad ia baroh ki nongshong shnong ka jylla Meghalaya ha kaba ka rta ba lah ban wan ban iashim bynta sha kane ka jingiakob kan long naduh kiba 7 snem shaneng ka rta haduh kiba la kynjoh ia ka 70 tam ka rta.
Ha kane ka jingiakob yn phiah pat ia ki bynta ka jingiakhun ha ka kyrdan jong ka Sub Junior, Junior, Senior bad Masters.
Ia ki phorm (registration) lah ban ioh na ka True North Centres kaba don ha Mission Compound bad kumjuh na Lapalang.
Ne lah ruh ban ioh lyngba ka online ka facebook, instagram ne lyngba ka QR codes.
Lada don pat kino kino ki jingpyntip na ka liang ki bor pyniaid kin sa phah lyngba ka WhatsApp bad na ka liang ki nong pyniaid ki la kren lypa da kaba shai kdar ba kan nym pynbiang satia kino kino ki jaka shong ne sah ia ki nongwan iashim bynta. Kumta, sa shisien pat ka True North ka shim ia ka kabu ba kan wer lang ia baroh bad kumjuh ia ki kynhun ne ki synjuk ia jngi ka jylla ba kin wan ba kin iashim bynta sha kane ka jingiakob
