Shillong: Ka kynhun ialehkai badminton ka Meghalaya, ki la iaksaid bad iakhun tyngeh bha hynrei kaba kut ka long ba khlem shim la don satia wat iwei napdeng jong ki ban bteng ban jam shakhmat kalympung ialehkai ka North East Zone Inter-State Badminton Championship 2026 , ba la long ha JN Indoor Stadium mynta ka sngi.
Kumban shu pynkynmaw ba kane ka lympung ialehkai ba la jam sha ka nsgi kaba lai mynta ka sgni, la lah ban pynlong ia ka da ka Meghalaya State Badminton Association bad ba la kyrshan pat da ka Directorate of Sports and Youth Affairs ia kaba la pyniaid ia ka da ka Badminton Association of India.
Wat la katta ruh kum ka kynhun kan kan hun ba kan khur shwa da ki takma rnong, kaba lehse kan long shwa kum uwei shwa u soh uba ki lah ba kin ioh kheit na ka jingtrei shitom kaba ki la pynkhreh ha ki khyndiat bnai kiba la dep bad nangne pat kan long ka jingphai khmat ka jong ki sha ka lympung ialehkai ka Nationals Games ban sa long ha kane ka jylla ha u snem ban wan.
Haba phai sha ki jingiakhun, ka Elsarica Umdor ka long ka nongialehkai ba nyngkong ban rung madan ban iakhun ia ka semifinal ha shwa ba kan shah pynliem noh ha ka Avikaa Borgohain ka Assam da 15-7, 15-10 ha ka jingiakhun ba para marwei ki kynthei.
Hadien kane, ha ka kyrdan iakhun ka U-19 ki khynnah kynthei, ka Netania T Tariang ka la liem noh ha ka Noimikha Saikia ka Assam da 15-3, 15-8.
Hadien kane ka Netania ka la don bynta ba kan iakhun sa ha kawei pat ka semifinal kaba dei naka bynta ka U-19 Mixed Team ryngkat bad u Gavin Kharbuki., ha kaba kine ki shi jur ki nongialehkai ka jylla kin shah liem noh ha Vanlalpekhlua bad Lalrinhlui Hmar ka Mizoram da 15-10, 15-10.
Ka jingiakhun ba khatduih ba shi jur ka jylla ka dei Gitchiak Bregim A Sangma bad Sonnal Joshi, kaba hangne hi ka jingiakhun khyndiat ka la lam itynnad bad kham iakhaid bha, bad ha kaba kut ki shi jur ki nongialehkai ka Meghalaya kin liem noh da 15-10, 15-6 ha M Hemam bad P Konjengbam da 15-10, 15-6 ka Manipur.
Ia ka pyrda jong kane ka lympung ialehkai yn pynhap noh ia ka lashai pat ka sngi Saitjain, ha kaba kongsan ban wan ban iadon lang dei Director General of Police ka jylla kong Idashisha Nongrang IPS.
