Shillong : Ki nongialehkai pyni dohksah ka jylla ba kynthup ia u Vikas Chettri lem bad ka Taichang K Marak , kiba dei ki nongialehkai jong ka Meghalaya Body Builders’ Association ki la ioh ba kin khur ia ki takma rnong ha ka rynsan iakob pyni dohksah ba la tip iaka kum ka North East Body Building Championship kaba long ha ka 11 bad ka 12 tarik mynta u bnai ha Kohima, Nagaland.
Kat kum u kyrwoh, ha kane ka rynsan iakhun u Vikas Chettri u la kiew rynsan ban ia khun ha ka kyrdan jong ka 80kg bad ka Taichang K. Marak ka la kiew rynsan ba kan iakhun ha ka kyrdan kaba 70kg bad kumjuh ha ka kyrdan iakhun jong ka Women’s Model Physique.
Nalor kata la don ruh sa arngut ki nongiashim bynta sha kane ka jingiakob ba kynthup ia Shano Chelsy M Sangma Women’s Model Physique bad kumjuh Dr. Mebanrilin Synnah Women’s Model Physique.
Ha kane ka jingiakob, n aka liang Dr. Mebanrilin I la lah ban ioh bat i aka kyrdan kaba 4, ha ka kyrdan iakhun ba I la iashim bynta.
Ia kane ka jingiakob la pynlong ia ka da ka Nagaland Bodybuilding and Fitness Association hapoh ka jingpeit bad khmih jong ka Indian Bodybuilding and Fitness Federation bad the Northeast Bodybuilding Federation.
