Shillong, 17 tarik Nailar : U Alaaeddine Ajaraie u la ioh ban thep haduh lai kol ne ka hat-trick ha ka kylla miet jong ka jingïalehkai ban ïalam ïa NorthEast United FC sha ka jingjop kaba 5-2 kol pyrshah ïa Shillong Lajong FC ha ka Northeastern derby kaba shongshit bha ha Jawaharlal Nehru Stadium ha ka 17 tarik Nailar 2026.
Ka Northeast United hadien ba ki la shah tam 2-1 kol ha ka por shuwa ban kut ka jingïalehkai ha ka kylla step da kaba thep haduh saw kol kaba la pyntikna ia ka kynhun ban ioh rung sha ka semi-final jong ka Durand Cup.
Ia ki kol jong ka Shillong Lajong ha kane ka sngi la ioh ban thep da u Figo Syndai tang ha ka minit kaba 20 bad pynbud sa u Jota ha ka minit kaba 34 jong ka kylla step.
Haba phai sha ka Northeast, u Alaaeddine Ajararie u la ioh ban pynkhih jar tang ha ka minit kaba 11 kaba pynlong ia ka jingiakhun ban shongshit bha watla haduh ban da kut ka kylla step ka jingiakhun ka la neh da 2-1 kol hadien ba ka Shillong Lajongka ioh ban thep haduh ar kol ha ka kylla step.
Ynda la poi pat ka kylla miet, ka Northeast ka la nang iakhun tyngeh bda kane ka la pynlong ia ka kynhun ban pyniakhaid 2-2 kol hadien ka kol kaba wan na u Etyan Gonzalez Morales ha ka minit kaba 55. Ym lem hadien kane, u Ajaraie u la ioh biang ban thep sa shi kol ha ka minit kaba 58 ban ioh lamkhmat ia ka jingiakhun.
Ha ka por ba ka jingialehkai ban ioh biang ia u nam tam, ka Northeast ka la ioh biang sa shi kol lyngba u Ajaraie ha ka minit kaba 69 kaba pyntikna syndon ia u ban khur ia ka hat trick.
Ia ka kol kaba san bad kaba khatduh jong ka kynhun la ioh ban thep da u Jithin MS ha ka minit kaba 79 kaba pynlong artad ia ka Northeast ban rung sha ka semi final da ka burom.
Da kane ka jingjop kaba khraw, ki saw tylli ki kynhun kiba la rung sha ka semi-final jong ka 135th IndianOil Durand Cup ki kynthup ia ka Mohun Bagan Super Giant, Sporting Club Delhi, East Bengal FC, bad NorthEast United FC
