SHILLONG, NAITUNG 15: U Nongialam Rangbah jong ka National People’s Party ba dei ruh u Symbud Myntri Rangbah ka Jylla, u Sniawbhalang Dhar, ha ka sngi Baar u la leit jingïalap elekshon na ka bynta u kyrtong ka Party na bynta ka elekshon MP shiteng samoi u Dr. DRL Nonglait, ha Mawlyngkhung, ha Ri Bhoi district.
Haba ai jingkren ha ka jingïalang, u Bah Sbiawbhalang u la ong ba ka jingbun paidbah kiba wan sha ka jingïalang ka pyni ba ka jingkyrshan ïa u Dr. Nonglait ka la nang jur bad ka long ruh ka dak kaba skhem jong ka jingjop.
Shaphang ka roi ka par ha Ri Bhoi, u Bah Sniawbha u la ong ba palat 250 klur la pynlut ban shna surok kata ruh tang ha Mawhati marwei, katba palat 4 klur la mang ban tei ïa ka ophis bathymmai jong ka Mawhati Block.
Haba jubab ïa ki jingkynnoh pyrshah ïa ka Sorkar, u Bah Sniawbha u la ong ba ka jingkynthoh ka long ka bynta jong ka saiñ hima.
U Symbud Myntri Rangbah u la ai jingïaroh ruh ïa ki MLA jong ka Umsning bad Mawhati Constituency kiba dang bteng ban shakri ïa ki paidbah wat hapdeng ki jingkynthoh.
U la ong ruh ba ka jingwan jong 8 haduh 9 ngut ki Union Minister sha Shillong ka pyni ïa ka jingshaniah jong ka Sorkar Pdeng ïa ka Sorkar Meghalaya.
